Аўтаматызаваная інфармацыйная сістэма «Электронны рэцэпт»

У яе аснову пакладзены міжнародны адкрыты стандарт FHIR (Fast Healthcare Interoperability Resources).

FHIR – самы сучасны стандарт абмену медыцынскімі данымі, створаны міжнароднай арганізацыяй электроннай сістэмы медыцынскага дакументазвароту Health Level 7 (HL7) з улікам вопыту папярэдніх стандартаў і сучасных вэб-тэхналогій.

Прызначэнне АІС «Электронны рэцэпт» - фарміраванне адзінай базы даных электронных рэцэптаў і забеспячэнне доступу да інфармацыі пра назначаныя і адпушчаныя лекавыя сродкі ў аператыўным рэжыме.

Адным з элементаў тэхналогіі абыходжання электронных рэцэптаў з’яўляецца пластыкавая карта «Для медыцынскага абслугоўвання», якая выдаецца ў паліклініцы па месцы жыхарства. Пасля назначэння лекавага сродку ўрачом даныя ўносяцца ў электронную форму. Каб пазбегнуць магчымых збояў у сістэме, на этапе доследнай эксплуатацыі прадугледжана абавязковае афармленне рэцэпту на папяровым носьбіце дадаткова з аўтаматызаваным электронным рэцэптам.

Для атрымання лекавага сродку, выпісанага ў электроннай форме, грамадзянін у аптэцы павінен прад’явіць карту «Для медыцынскага абслугоўвання» разам з папяровым рэцэптам. Усе аптэкі прадпрыемства маюць тэхнічную магчымасць для рэалізацыі лекавых сродкаў па электронных рэцэптах. Кожнаму пакупніку пры куплі лекавых сродкаў за поўны кошт і прад’яўленні пластыкавай карты «Для медыцынскага абслугоўвання» даецца зніжка 2%.

Перавагі «электроннага рэцэпту»:

1.  Павышае якасць абслугоўвання;
2. Выключае нечытабельнасць рэцэптаў;
3. Выключае дубліраванне водпуску ЛС для аднаго пацыента;
4. Дазваляе праводзіць рознага роду аналізы (аналіз кошту лячэння, улік назначэнняў у разрэзе УАЗ, урачоў, пацыентаў і г.д

Перспектывы выкарыстання пластыкавай карты для медыцынскага абслугоўвання ў інтарэсах насельніцтва:

• запіс на прыём да ўрача праз інфакіёск;
•  інтэрнэт-запіс на прыём да ўрача з выкарыстаннем пластыкавай карты пацыента;
• інтэрнэт-выклік урача дадому з выкарыстаннем пластыкавай карты пацыента;
• абслугоўвання пацыентаў ільготнай катэгорыі ў сістэме «электроннай чаргі»;
• абслугоўвання пацыента ў рэгістратуры паліклінікі і дыспансера;
• абслугоўвання пацыента ў прыёмным аддзяленні бальніцы і іншыя.